بعيد خفقان القلوب/ مساهمة من شاعر الميناء الشعبي الاستاذ مصطفى غنوم

بعيد خفقان القلوب
طلبت مني دبدوب
قالت انت عودتني
تهديني يا محبوب

طلبت مني الهدية
زينها بوردة جورية
لا تنسالي العيدية
تفرجيها لكل الكروب

طلبت عايدها بالعيد
باسوارة تزيين الأيد
الزمن صار عنا بعيد
تغيير عنوان المكتوب

صار اسمو عيد الرحمة
واقف والناس مذدحمة
عنتر يلي هو كان يحمي
صار عميستنجد بشيبوب

كنت جبلك هدايا حمرا
وتبقى السهرة مستمرة
حتى نشوف شمس بكرا
عنا يبلش وقت الغروب

بهالأيام اوعى تهزيني
وتقولي هدية هديني
صارت رخوة العجينة
ومن الجوع صرنا ندوب

صار في عندي انا خبرة
نزلت تجيب هدية حمرا
فجلة وبندوراية وليمونة
لللكورونا نعصر المشروب

بجيابي مخزوقة القماشة
وصرت عمأنطر الأعاشة
شو ما فيها بقول ماشي
منطبخ من كل الحبوب

عيد الحب هالسنة اسم
لح اهديكي الوردة رسم
يلي بشباط يعمل حسم
صار عمحلو مسكرة دروب

بالعيد يا ريت التجار
يعطوا هدية للثوار
الجوعانين صارو كتار
اللقمة هي اليوم المطلوب

شاعر الميناء الشعبي مصطفى غنوم