مساهمة من شاعر الميناء الشعبي الاستاذ/مصطفى غنوم
وصلت لعنا عديارنا الكورونا
عألأقفال هني بقوة جبرونا
صارت بواب المينا المفتوحة
مسكرة ع الحبيناهم وحبونا
نغلقوا بواب المدينه
عخدها دمعه حزينة
بشوارعها السكينة
لسجن بيوتنا اخدونا
اخدوا القرار قالو أمر
ونحن عايشين بالفقر
ممنوع نقرب صوب البحر
والموجات نشوف جنونا
المينا غلقوها بقرار حكومي
وصارت نفسيتنا مسمومي
الكورونا حوالينا بتحومي
او كذبة كبيرة هي الكورونا
جميلة هالمينا الصبية
ورود معباية المزهرية
بغفلة الكورونا المأذية
سكرت علينا حدودنا
كل ما العداد بيزيد ويمد
حتى قلنا موجودة بجد
لازم بقى نعمل ألها حد
حتى ما فيها يخسرونا
شاعر الميناء الشعبي مصطفى غنوم