صرخة وجع/ بقلم شاعر الميناء الشعبي الأستاذ مصطفى غنوم
صرخة وجع قالو ممنوع
صار الشعب كلو موجوع
لا دوا بالصيدليات
ولا بنزين بالمحطات
ولا كهربا عالمولدات
وخط شركة الكهربا مقطوع
لا ميي الا بالشركات
بمخازنهم اختفوا الطحينات
بالبنوكة ما عاد في ليرات
الدولار لا تحلم الو رجوع
صرنا بزمن الموبوئات
للكورونا سكرت المستشفيات
من اوساخن كترت الحشرات
النفس فينا صار مقطوع
عميخبرونا هني خبريات
ببستانهم فتحت الوردات
ما شفنا نحن الا الشوكات
ولربنا بس نسجد بخشوع
شاعر الميناء الشعبي مصطفى غنوم