مساهمة من شاعر الميناء الشعبي مصطفى غنوم
طرابلس مين انتو حتى هنتوها
بعد ما عروس الثورة سميتوها
تجمعتوا حرقتوها بعتم الليل
بنار الحقد انتو ليش حرقتوها
طرابلس يللي فيها شعبي
سلاحو باقي حب ومحبة
خليتوها تموت من الرعبة
ذنب مين انتو عمتحملوها
استغليتوا وجع دموع الجيعان
بمدينة شعارها الفقر والحرمان
بدل ما تفتحولو لياكل باب دكان
حرقتوا لو طلتو أرشيف شرعيتها
جيتوا عالبلدية باسم ثوار
ولعتوا دروجتها مكاتبها نار
الثائر عارزاقو هو بيغار
ما بيحرق املاكو ببلديتها
لا تقللي ثائر يللي كان
يحرق املاكو نار ودخان
الثائر عمرو ما كان خوان
الجوع ارحم من إحراق بنيتها
شاعر الميناء الشعبي مصطفى غنوم