ألا تكون شاكرا. للشاعر. نشأت سرحان الحصري
أَلَا تكون شاكرا
مادامت العين بتنظر وتشوف
وفوقها رموشها حمياها
ولا تحتاج حد يرفعها
تبقي نعمة كبيرة معاك
أحمد ربنا وإشكر فضلة
مانت من غيرها ياعيني عليك
………..
ومادامت رجليك شيلاك
وبتسعي بيها للخير ديماً
وتتنقل وتشوح بأديك
أحمد ربنا واشكر فضلة
مانت من غيرهم ياعيني عليك
………..
ومادمت بتبات تعبان
وقلبك صافي ومطمئن
ومن عرقك تاكل وتنام
احمد ربنا واشكر فضلة
مانت من غيرها ياعيني عليك
………..
ومادام لسانك بينادي
بيذكر ربنا ويهادي
بكلمة طيبة للناس
أحمد ربنا وأشكر فضلة
مانت من غيره ياعيني عليك
………..
ومادام ودانك تسمع وتلبي
وتقوم للفجر وتصلي
وتسمع ال حواليك
أحمد ربنا وأشكر فضلة
مانت من غيرها ياعيني عليك
………..
ومادام عقلك بيفكر
ويميز الخير ويذَّكر
ويختار الصالح ليه
احمد ربنا وإشكر فضلة
مانت من غيرُهْ ياعيني عليك
…….
✍️ الشاعر
نشأت سرحان الحصري