رسالة أب الى ولده في المهجر/ بقلم الاعلامي الاستاذ مازن فاروق ملحم / عضو نقابة المحرربن
تعود يا ابني عليك إيامي
وتشوف غيابك شو عامل بحالي
كل يوم بنطر لمحك عبابي
و الليل عليي سجون و بخبي حالي
مسافر و قاصد هالدنيي
و تارك أهلك وصية
ساكن قصر لكن بكوخ
و سقفه قلب مجروح
رجاع يا ابني رجاع
كفاية قلبي أوجاع
بسقيك دموع رجال
مرقوا بهالزمان
وقفوا و هدوا جبال
و هدتهم الحنية.
إمك يا ابني شابت على جبينها السنين
و جسمها هان، تعب تخمين
بالمراية بتشوف خيالك
و عتمة الغرفة.. نور الحزين
مطول يا ابني بعدك؟
رح ترجع أيمتين؟
إمك مش قادرة بعد يا ابني،
ناطرة ياخدها من فراشها الحنين
ظهرها التوى على حبك سنين
خايفة قبل ما تشوفك، تلتوي على الكفن الحزين..